बालोन डि’ओर जिते करिअरकै सर्वाधिक सफल वर्ष हुने : मोड्रिच

एजेन्सी- क्रोएसिया तथा स्पेनिस क्लब रियल मड्रिडका स्टार मिडफिल्डर लुका मोड्रिचले आफ्ना लागि यो वर्ष अहिले सम्मकै सफल वर्ष रहेको बताएका छन् । यसबर्ष लगातार अवार्ड थापि रहेका मोड्रिचले उपाधिका हिसाबले मात्र नभएर नतिजाका हिसाबले पनि अत्यधिक सफल रहेको बताएका छन् ।

‘यो वर्ष पनि उपाधिका हिसाबले मात्रै नभएर नतिजाका हिसाबले अत्यधिक सफल वर्ष रह्यो । बालोन डि’ओर जिते खुसी हुनेछु, नजिते पनि मलाई फरक पर्दैन,’ मोड्रिचले भने । मोड्रिकले रसिया विश्वकपमा आफ्नो देश क्रोएसियालाई फाइनलसम्म लैजान कप्तानी भूमिकामा महत्त्वपर्ण योगदान दिएका थिए । 

मोड्रिकले रुस विश्ककममा उत्कृष्ट खेलाडीको अवार्ड जित्दा रियल मड्रिडबाट च्याम्पियन्स लिगको उत्कृष्ट मिडफिल्डरको अवार्ड पनि जितेका थिए । विश्व फुटबल निकाय फिफाले प्रदान गर्दै आएको अवार्ड बालोन डि’ओर जित्न सके यो वर्ष आफ्नो करिअरकै सर्वाधिक सफल वर्ष हुने समेत बताएका छन् । 

उनले यस बर्ष युइएफए वर्ष खेलाडी र फिफा वर्ष खेलाडीको अवार्ड जितिसकेका छन् । उनले भरखरै मात्र गोल मिडियाले प्रदान गर्दै आएको अवार्ड ‘गोल ५०’ पनि जितेका छन् । डिसेम्वर तीनमा घोषणा हुने यसपटकको बालोन डि’ओरमा पनि मोड्रिकलाई नै प्रमुख दोबदार मानिएको छ । 

धेरैले दशक देखिको क्रिस्टियानो रोनाल्डो र लियोनल मेस्सीको दबदबालाई तोड्ने विश्लेषण गरिरहेका छन् ।