नेदरल्याण्ड युइएफए नेसन्स लिगको सेमिफाइनलमा 

एजेन्सी- नेदरल्याण्ड युइएफए नेसन्स लिग फुटबलको सेमिफाईनलमा प्रवेश गरेको छ । सोमबार राति भएको खेलमा जर्मनीसँग बराबरी खेल्दै नेदरल्याण्ड युइएफए नेसन्स लिग फुटबलको सेमिफाइनलमा प्रवेश गरेको हो । 

प्हिलो हाफमा २-० को अग्रता लिएको जर्मनीले अग्रता जोगाउन नसक्दा नेदरल्याण्डसाग अंक बड्न बाध्य भयो । जर्मनीका लागि खेलको पहिलो हाफमा टिमो वार्नर र लिरो सानेले गोल गर्दै अग्रता दिलाएका थिए । 

खेल सुरु भएको ९ औ मिनेटमा नै वार्नर जर्मनीलाई अग्रता दिलाएका थिए । त्यसके १० मिनेट नबित्दै सानेले गोल गर्दै आफ्नो टोलीको अग्रता दोब्बर पारेका थिए । तर खेल सकिन ५ मिनेट बाँकी छदाँ क्विन्सी प्रोमिसको गोलमा नेदरल्याण्ड खेलमा फर्किएको थियो । 

उनले खेलको ८५ औ मिनेटमा गोल गर्दै टोली खेलमा फर्कने संकेत दिएका थिए । नभन्दै खेलको अन्तिम मिनेटमा भर्जिल भान डिजिकले गोल गरेपछि नेदरल्याण्डले जर्मनीसँग बराबरी खेल्यो । यस जितसँगै नेदरल्याण्ड प्रतियोगिताको अन्तिम ४ मा प्रवेश गरेको छ ।

समूह ‘ए’मा विश्वकप विजेता फ्रान्सलाई पछाडी पार्दै शीर्ष स्थानमा रहेर नेदरल्याण्ड सेमिफाइनलमा स्थान बनाउन सफल रह्यो । यससँगै प्रतियोगिताको सेमिफाइनल पुग्ने चार टोलीको टुङ्गो लागेको छ । सेमिफाइनलमा नेदरल्याण्डसँगै इंग्ल्याण्ड, पोर्चुगल र स्विटजरल्याण्डले स्थान बनाएका छन् । नेदरल्याण्डसँग बराबरी खेल्दै जर्मनी भने रेलिगेशनमा परेको छ ।