एसिया कप क्रिकेट प्रतियोगिताअन्तर्गत भारतविरुद्धको खेलमा नेपाललाई दोस्रो झट्का लागेको छ। भीम सार्की रविन्द्र जडेजाको बलमा बोल्ड भएका हुन् । १७ बल खेलेका सार्कीले ७ रन जोडे।
यसअघि कुशल भुर्तेल ३८ रन बनाएर आउट भएका थिए। नेपालले १६ ओभरमा २ विकेट गुमाएर ७७ रन जोडेको छ।
नेपाल र भारतले समूह चरणको अन्तिम खेलमा प्रतिस्पर्धा गरिरहेका हुन्। पहिलो खेलमा नेपाल पाकिस्तानसँग पराजित भएको थियो भने भारत र पाकिस्तानबीचको खेल वर्षाले अवरुद्ध भएको थियो।
नेपाल र भारत शीर्ष स्तरमा भेट भएको यो पहिलोपटक हो। यो खेल जित्ने टोलीले अन्तिम ४ मा स्थान बनाउने छ भने हार्ने टीम समूह चरणबाटै घर फर्किने छ।
प्रकाशित: Sep 04, 2023| 16:29 सोमबार, भदौ १८, २०८०
