पुलिसका मन्डेकाजी र चन्चलालाई स्वर्ण

काठमाडौं- नेपाल पुलिसका मन्डेकाजी श्रेष्ठ बागलुङ्गमा जारी प्रथम गाउँपालिका अध्यक्ष राष्ट्रिय कराते कप २०१८ मा स्वर्ण पदक जितेका छन् । श्रेष्ठले व्यक्तिगत कातामा प्रदेश नं. ५ का दीप राज थापा पराजित गर्दै स्वर्ण जितका हुन् । थापाले दोस्रो स्थानमा चित्त बुझाए । तृतीय स्थानमा एपिएफका अनिल चन्द र प्रदेश २ का दिर्घ बहादुर लामा रहे । 

त्यस्तै आईतबारनै भएको महिला व्यक्तिगत कातामा नेपाल प्रहरीकी चन्चला दनुवार एपिएफकी सरिता श्रेष्ठलाई पराजित गर्दै स्वर्ण हात पारिन । तृतीय स्थानमा बाग्लुङ्गकी सर्मिला श्रेष्ठ र प्रदेश ५ की रश्मि पाण्डे रहे । 

मन्डेकाजी श्रेष्ठले पुरुष टिम कातामा पनि स्वर्ण हात पारे । उनले महशुस तामाङ्ग र विनोद गुरुङ्गसँग मिलेर स्वर्ण हात पारेका हुन् । ७ प्रदेश र ३ विभागिय टिम गरि १० टिमको सहभागिता रहेको प्रतियोगिताको कुमुते महिला ४५ केजी तौलमा एपिएफकी जिया कार्कीले बाजी मारिन् । 

उनले पुलिसकी बुद्धलक्ष्मी तामाङ्गलाई पराजित गर्दै स्वर्ण पाएकी हुन् । प्रदेश ५ की रश्मि पाण्डे र प्रदेश १ की रञ्जना मगरले कास्य पाए । यस्तै पुरुषको ५० केजीमा पुलिसका सोनाम लामाले स्वर्ण पाए । प्रदेश १ का मोहन यादवले रजत तथा प्रदेश ६ का सरोज पासवान र आयोजकका अंकित गुरुङ्गले कास्यमा चित्त बुझाए ।