वसन्तपुरमा गाईजात्राको रौनक

काठमाडौं- जनैपूर्णिमाको भोलिपल्ट पर्ने गाईजात्रा पर्व यसपालि मलमासका कारण तिथिमिति घटबढ हुँदा आजकै दिन मनाइँदै छ।

काठमाडौं उपत्यकासहित नेपालभर मनाइने सांस्कृतिक पर्व गाईजात्रा यस वर्ष आज परेको छ। यद्यपि काठमाडौं महानगरले भने भोलि देखाइने गाईजात्राका लागि सार्वजनिक बिदा दिएको छ।

विशेषगरी नेवार समुदायमा आफ्ना दिवंगत आत्माको चिरशान्तिका लागि मृत्यु भएका घरघरबाट गाईको स्वरुप निकालेर परिक्रम गराउने चलन छ। नेवारी भाषामा यो पर्वलाई सापारु भनिन्छ। ‘सा’ को अर्थ गाई र ‘पारु’ को अर्थ प्रतिपदा तिथि हो, जुन दिन यो चाड मनाइन्छ।