‘ए’ डिभिजन लिग : आर्मीसँग च्यासल पराजित

काठमाडौं- सहिद स्मारक ‘ए’ डिभिजन लिग अन्तर्गत शनिबार भएको दोस्रो खेलमा विभागीय टोली त्रिभुवन आर्मी क्लब विजय भएको छ । च्यासल युथ क्लबलाई १-० ले पराजित गर्दै आर्मी विजय भएको हो ।  

लिगको आफ्नो पहिलो खेलमा न्युरोड टिम एनआरटीसँग २-२ गोलको बराबरी खेलेको आर्मीको यो पहिलो सिजत हो । हलचोकस्थित सशत्र प्रहरी बल (एपीएफ)को खेल मैदानमा भएको खेलमा विभागीय टोली त्रिभुवन आमीको जितका लागि खेलको एक मत्र निर्णायक गोल विकास खवासले गरेका थिए । 

उनले कर्नरबाट आएको सिधा पासलाई हेडर मार्फत सोझै गोलमा परिणत गरेका थिए । निकै नै प्रतिस्पर्धात्मक बनेको खेलको १६ मिनेटमा च्यासल युथ क्लबका अमित श्रेष्ठको प्रहार आर्मीका गोल रक्षक विकेश कुथुले बिफल पारी दिएका थिए । 

दोस्रो हाफमा खेलमा फर्कने प्रयास गरे पनि च्यासलले गोल गर्न सकेन र खेल १-० ले गुमायो । ६३ औ मिनेटमा आर्मीका दिनेश हेम्जनको खाली पोस्टमा गोल गर्न चुके । 

गोलकपिर बिट भएको अवस्थामा ढिलो गरि उनले प्रहार गरेको बल च्यासलका डिफेन्डर देबेन्द्र तामाङले गोल लाईनबाट रोकेका थिए । राष्ट्रिय टिमका युवा स्ट्राईकर विमल घर्तिमगर र घरेलु क्लब फुटबलका सर्वाधिक सफल स्ट्राईकर सन्तोष साहुखलले च्यासलको अग्रपङ्ती सम्हालेपनि गोल गर्न सकेनन् । 

जितपछि आर्मीले २ खेलबाट ४ अंक जोडेको छ । त्यस्तै यता च्यासल युथ क्लबले आफ्नो पहिलो खेलम मछिन्द्र क्लबसँग गोलरहित बराबरी खेल्दै १ अंक जोडेको छ ।