‘ए’ डिभिजन लिग : पहिलो हाफमा आर्मीको अग्रता

काठमाडौं- सहिद स्मारक ‘ए’ डिभिजन लिग अन्तर्गत शनिबारको जारी दोस्रो खेलको पहिलो हाफ विभागीय टोली त्रिभुवन आर्मी क्लबले च्यासल युथ क्लबविरुद्ध १-० ले अग्रता लिएको छ । 

हलचोकस्थित सशत्र प्रहरी बल (एपीएफ)को खेल मैदानमा सुरु भएको खेलमा विभागीय टोली त्रिभुवन आमीले १-० को अग्रता लिएको हो ।

पहिलो हाफको २९ औं मिनेटमा आर्मीका विकास खवासले हेडर मार्फत गोल गर्दै पहिलो हाफमा १-० ले अग्रता दिलाएका हुन् । उनले कर्नरबाट आएको सिधा पासलाई हेडर मार्फत सोझै गोलमा परिणत गरेका थिए । 

निकै नै प्रतिस्पर्धात्मक बनेको खेलको १६ मिनेटमा च्यासल युथ क्लबका अमित श्रेष्ठको प्रहार आर्मीका गोल रक्षक विकेश कुथुले बिफल पारी दिएका थिए । शारिरिक रुपमा बलियो आर्मी र प्राविधिक रुपमा स्तरीय च्यासल प्रतियोगितामा पहिलो जितको खोजिमा छन् ।

लिगको उद्घाटन खेलमा बलियो मानिएको आर्मीले न्युरोड टिम एनआरटीसँग २-२ गोलको बराबरी खेलेको थियो । त्यस्तै यता च्यासल युथ क्लबले पनि मछिन्द्र क्लबसँग गोलरहित बराबरीमा रोकिएको थियो ।