एजेन्सी- शुक्रबार राती भएको अन्तर्राष्ट्रिय मैत्रीपूर्ण खेलमा अर्जेन्टिनाले मेक्सिकोलाई पराजित गरेको छ । अर्जेन्टिनाले मेक्सिकोलाई २-० ले पराजित गरेको हो ।
अर्जेन्टिनाले पहिलो हाफमा एक र दोस्रो हाफमा एक गोल गर्दै मेकिसकोमाथि २-० ले जित दर्ता गरेको हो । फुनेस मोरीले एक गोल र एक गो आत्मघाती उपहार पाएको थियो । डिबालाको फ्रिकिक पासमा फुनेस मोरीको हेडर मार्फत गोलमा परिणत गरेका थिए ।
त्यस्तै दोस्रो हाफमा डिबालाले माउरो इकार्डीलाई दिएको चिप पासलाई मेक्सिकन डिफेन्डर ब्रिजुएलाले क्लिअर गर्न खोजदा आफ्नै पोस्टको गोल गर्न पुगेका थिए । सुरुवाती समयमा दबाब खेपेको अर्जेन्टिनाले भने त्यसपछि खेलमा लय समात्यो ।
पाउलो डिबाला र लौटारो मार्टिनेजलाई आक्रमणमा खेलाएको अर्जेन्टिनाले मेक्सिकोलाई समस्या दिइरहयो । खेलको दोस्रो मिनेटमा नै मेक्सिकोले अग्रता लिने सुवर्ण अवसर गुमायो । तर, मार्को फाबियनको क्रसमा राउल जिमिनेजको डाइभीङ हेडर क्रसबारमा लागेको थियो ।
यस नतिजासँगै कार्यवाहक प्रशिक्षक लिओनेल स्कालोनीलाई केहि राहत पुगेको छ । उनको नियुक्ति भएयता अर्जेन्टिनाले कोलोम्बियासँग बराबरी र ब्राजिलसँग हार बेहोरेको थियो । इराक र ग्वाटेमालालाई पराजित गरेपनि टोलीको खेल भने सन्तोषजनक रहेको थिएन ।
प्रकाशित: Dec 31, 2017| 18:23 आइतबार, पुस १६, २०७४