विराट र रोहितको कीर्तिमानी तोड्ने मिताली

काठमाडौं- पछिल्लो समय भारतका लागि मात्र नभई विश्व क्रिकेटमा नै निकै चर्चामा रहेको क्रिकेट खेलाडी हुन् विराट कोहली । विरटसँगै अर्का भारतिय खेलाडी हुन् रोहित शर्मा । विरट र रोहित भारतिका लागि टी-२० क्रिकेटमा सर्वाधिक रन जोड्ने खेलाडी हु्न । 

तर, विश्व क्रिकेटका चर्चित खेलाडी विरट र रोहितले भारतका लागि टी-२० क्रिकेटमा बनाएको सर्वाधिक रनको कीर्तिमानी भारतकी महिला क्रिकेट खेलाडी मिताली राजले भङ्ग गरेकी छन् ।

वेस्ट इन्डिजमा चलिरहेको महिला आईसीसी टी-२० विश्वकपमा उत्कृष्ट प्रदर्शन गर्दै भारतकी खेलाडी मिताली राजले विराट र रोहितको रेकर्ड तोडेकी हुन् । उनले टी-२० मा भारतको तर्फबाट रोहितले बनाएको २२०७ रनको सर्वाधिक रनको कीर्तिमानी तोडेकी छन् । 

जबकी रोहित शर्माले ८० खेलमा २२०७ रन बनाउदा मितालीले पनि ८० खेल नै खेल्दै अन्तर्राष्ट्रिय क्रिकेटमा २२८३ रन बनाएकी हुन् । ३५ वर्षीया मितालीले पाकिस्तान विरुद्ध ५६ रन बनाउदै यो रेकर्ड तोडेकी हुन् । 

त्यस्तै, विराट कोहलीले ५८ खेलमा २१०२, सुरेश रैनाले ६६ खेलमा १६०५ र महेन्द्रसिंह धोनीले ८० खेलमा १४८७ रन बनाएका छन् । उनले आएरल्यान्डविरुद्ध ५२ रन बनाएपछि भारत आईसीसी विश्वकपको सेमिफाइनलमा प्रवेश गरेको छ ।