युइएफए नेसन्स लिग : आज ९ खेल, कसको प्रतिद्वन्द्वी को ?

काठमाडौं- युरोपको अर्को ठुलो प्रतियोगिता युइएफए नेसन्स लिग फुटबलमा आज (बिहिबार) ९ खेल हुँदैछन् । क्लब लिग फुटबल विश्राम भएका बेला सुरु भएको यस अन्तर्राष्ट्रिय खेलमा आज केहि ठुला राष्ट्रबीच पनि प्रतिस्पर्धा हुदै छ । 

युइएफए नेसन्स लिग फुटबलको दोस्रो दिनमा बेल्जियम, क्रोएसिया र स्पेन लगायतका ९ राष्ट्रको खेल हुदै छ । पहिलो खेलमा काजकिस्तान र लाटभियाबीच हुदै छ । यो खेल नेपाली समय अनुसार राति ८:४५ बजे सुरु हुने छन् भने बाकीँ आठ खेल आजै राति १:३० बजेबाट सुरु हुने छन् । 

बाँकी आठ खेलमा सान मारियोको सामना माल्डोभा गर्ने छ भने एन्डोरोको सामना जर्जियाले गर्ने छ । त्यस्तै बेल्जियमको सामना आइसल्यान्ड, अस्ट्रियाको सामना बोस्निया र हर्जभोभिना, लक्जेमबरको सामना बेलारुस, क्रोएसियाको सामना स्पेन, हंगेरीको सामना इस्टोनिया र ग्रीसको सामना फिनल्यान्डले गर्ने छन् । 

युइएफए नेसन्स लिग फुटबलमा आज हुने सबैभन्दा रोमाञ्चक खेल रसिया विश्वकपको उपविजेता क्रोएसिया र सन् २०१० को विश्वविजेता स्पेनबीच हुने अनुमान गरिएको छ । यतिमा हैन तुलनात्मक रूपमा दुवै बलिया भएकाले पनि यो खेल निकै रोमाञ्चक हुने अपेक्षा गरिएको हो ।