इपिएललाई आइसिसीको मान्यता

काठमाडौं- तेस्रो संस्करणको एभरेस्ट प्रिमियर लिग (इपिएल) टी-२० क्रिकेट प्रतियोगितालाई अन्तर्राष्ट्रिय क्रिकेट परिषद् (आइसिसी) ले मान्यता दिएको छ ।  आउदो मंसिर २२ गतेबाट ७ पुससम्म १५ दिन चल्ने उक्त प्रतियोगिता सञ्चानल सहजताका लागि आइसिसीले मान्यता दिएको हो । 

इपिएलले मान्यता प्राप्तीका लागि आइसिसीलाई २० हजार अमेरिकी डलर अर्थात कर सहित २७ लाख ५० हजार नेपाली रुपैया  तिरेको छ ।

यो सुखद खबर इपिएलका लागि मात्र नभई लाखौ नेपाली क्रिकेटलाई माया गर्नेका लागि पनि भएको प्रतियोगिताका प्रवन्ध निर्देशक आमिर अख्तरले खुसी व्यक्त गरे । 

यससँगै उनले खेलाडी मिडिया तथाम समर्थकलाई सहयोगका लागि धन्यावाद दिएका छन् । २१ लाख पुरस्कार राशी रहेको इपिएल टी-२० क्रिकेट प्रतियोगितामा ६ टिमको सहभागिता रहेको छ । 

सहभागी टिमहरुमा विराटनगर वारियर्स, चितवन टाइगर्स, ललितपुर प्याट्रियट्स, पोखरा राईनोज, भैरहवा ग्लाडियटर्स र काठमाडौं किंग्स ११ छन् । 

पहिलो संस्करणमा पञ्चकधन्य तेज च्याम्पियन बन्दा गतवर्ष नेपाली राष्ट्रिय टिमका कप्तान पारस खड्काको नेतृत्वमा रहेको विराटनगर वारियर्स च्याम्पियन बनेको थियो ।