रोनाल्डोको सहयोगमा युभेन्टसको कीर्तिमान

एजेन्सी- रोनाल्डोकै महत्वपुर्ण प्रदर्शनका कारण युभेन्टसले घरेलु लिग सिरी-ए मा अपराजित रहदै  यतिबेला सफल इतिहासमा छ । लिगमा सुरुवाती १० खेलसम्म अपराजित रहदै युभेन्टसले क्लबको इतिहासमा पहिलोपटक अपराजित रहेको रेकर्ड बनाएको हो । 

यस सिजन हाल सम्म १२ खेल खेल्दा युभेन्टसले एक खेल बराबरी खेल्दै ३४ अंक सहित शीर्ष स्थानमा ६ अंकले अग्रता लिएको छ । युभेन्टस अक्टोबर २० जेओनासँग आफ्नो घरेलु मैदानमा भएको खेलमा १-१ को बराबरीमा रोकिएको थियो । सो खेलमा पनि रोनाल्डोले नै गोल गरेका थिए ।
 
यससँगै युभेन्टसले अब लिगमा सुरुआती १२ खेलपछि सर्वाधिक धेरै अंक जोड्ने पहिलो क्लब बनेको छ । सिरी-ए को इतिहासमा हालसम्म सुरुआती १२ खेलपछि ३४ अंक कुनै पनि क्लबले जोडेको थिएन ।

लिगमा युभेन्टसले हालसम्म २६ गोल गर्दा मात्रै ८ गोल खाएको छ । यता, रोनाल्डोले भने लिगका १२ वटा खेल खेल्दै ८ गोल गर्दै ६ असिस्ट गरेका छन् । यसै सिजन रोनाल्डो ९ वर्षपछि स्पेनिस क्लब रियल मड्रिडबाट युभेन्टस पुगेका थिए ।