‘गोल ५०’ अवार्डको दाबेदार को ?

एजेन्सी- हरेक बर्ष प्रदान गरिदै आएको ‘गोल ५०’ अवार्ड आज (मंगरबार) राति घोषणा हुँदैछ । उक्त अवार्डको विजेता युकेमा एक कार्यक्रबीच घोषणा गरिदैछ ।

चर्चित खेल सञ्चार संस्था ‘गोल’ ले प्रदान गर्ने यो एघारौं संस्करणको अवार्ड खेलाडीले गरेको बर्षभरिको प्रदर्शनका आधारमा एक उत्कृष्ट फुटबलरलाई दिइने गरिन्छ । २००८ बाट दिन थालिएको यो अवार्ड यसअघि १० जना फुटबल खेलाडीले प्राप्त गरि सकेका छन् । 

यसपटक यो अवार्डका लागि पुर्व रियल मिड्रड तथा युभेन्टसका स्टार खेलाडी क्रिस्टियानो रोनाल्डो, बार्सिलोनाका लियोनल मेस्सी, रियलकै लुका मोड्रिकलाई मुख्य दाबेदार मानिएको छ । 

तर पनि यस अवार्डका लागि मेस्सी र रोनाल्डोबीच निकै नै प्रतिस्पर्धा हुने देखिन्छ । किनकी उपाधकिा लागि शीर्ष खेलाडीको सूचीमा दुवैजना परेका छन् । यो अवार्ड यसअघि सन् २०१७ मा र २०१६ मा लगातार रोनाल्डोले जितेका थिए । 

त्यसअघि २०१५ मा मेस्सीले जितेका थिए । हालसम्म यो अवार्ड सर्वाधिक धेरै रोनाल्डोले ५ पटक जितेका छन् भने मेस्सीले भने ४ पटक जितेका छन् ।