पहिलो हाफ : बंगलादेशविरुद्ध नेपालको अग्रता 

काठमाडौं- २०२० जापानमा हुने ओलम्पिकका लागि एसियन महिला फुटबल छनोट अन्तर्गतको आफ्नो जारी तेस्रो खेलमा नेपालले खेलको पहिलो हाफमा बंगलादेशविरुद्ध अग्रता बनाएको छ । नेपालले बंगलादेशविरुद्ध पहिलो हाफमा १-० को अग्रता बनाएको हो ।
 
याङगोनस्थित थुनुवा स्टेडियममा सुरु भएको खेलको पहिलो हाफको १७ औं मिनेटमा नेपालले अग्रता लिएको हो । नेपाललाई अग्रता दिलाउन खेलको १७ औं मिनेटमा निरु थापाले गोल गरेकी थिईन । 

बीचको खेल सुरु भएको छ । नेपालले यो अग्रता जोगाउन सके दोस्रो चरणमा स्थान पक्का हुनेछ । नेपालले सुरुवाती दुई खेलमा बराबरी खेलेका थियो । आफ्नो छनोटको पहिलो खेलमा भारतसँग १-१ को बराबरी खेलेको नेपालले दोस्रो खेलमा पनि आयोजक म्यानमारसँग १-१ को बराबरी खेलेको थियो । 

यता बंगलादेश आफ्नो पहिलो खेलमा म्यानमारसँग ५-० ले पराजित भएको थियो भने दोस्रो खेलमा  भारतसँग ७-१ को भारी अन्तरले पराजित भएको थियो ।