कालीगण्डकीले बगाउँदा बेपत्ता भए युवक

तनहुँ– तनहुँको देवघाट गाउँपालिका–५ स्थित वेणी संगममा कालीगण्डकी नदीले बगाएर एक जना युवक बेपत्ता भएका छन्। बेपत्ता हुनेमा दाङको तुलसीपुर उपमहानगर–१२ का ३२ वर्षीय लोकेन्द्र भुसाल रहेको तनहुँ प्रहरीले जनाएको छ। 

त्रिशूली र कालीगण्डकीको संगम स्थलमा नुहाउँदै गरेका भुसाललाई नदीले बगाएर बेपत्ता बनाएको जिल्ला प्रहरी कार्यालयका प्रहरी नायब उपरीक्षक मोहनबहादुर खाणले जानकारी दिए। बेपत्ता भुसालको खोजी भइरहेको प्रहरीले बताएको छ।