नेपाल र म्यानमारबीचको पहिलो हाफ १-१ को बराबरी

काठमाडौं- ओलम्पिक एसियन महिला फुटबल छनोट अन्तर्गतको जारी खेलमा नेपाल र म्यानमारले पहिलो हाफ बराबरी खेलेको छ । सुरुवाती अग्रता लिएको नेपालले अग्रता जोगाउन नसक्दा पहिलो हाफ १-१ को बराबरीमा सकिएको हो । 

म्यानमारको याङगोनस्थित थुनुवा स्टेडियममा सुरु भएको खेलमा नोपलका लागि फरवार्ड सावित्रा भण्डारीले गोल गरेकी थिइन् । उनले खेलको दोस्रो मिनेटमा नै गोल गर्दै सुरुवाती अग्रता दिलाएका थिइन् । 

तर, त्यसको केही समयमा नै घरेलु टोली म्यानमारले गोल फर्काउदै खेल बराबरीमा ल्याए । आइतबार नै भएको खेलमा भारतले बंगलादेशलाई ७-१ ले हराएको छ । जितसँगै समूह ‘सी’ को भारतले फराकिलो जित निकालेसँगै नेपाललाई भने चुनौती थपिएको छ । 

२ खेलबाट ४ अंक जोडेको भारत शीर्ष स्थानमा उक्लदै छनोटको दोस्रो चरण पुग्ने सम्भावना जीवितै राखेको छ । नेपाललाई दोस्रो चरणमा पुग्न यो खेल र कार्तिक २७ गते बंगलादेशसँगको खेल महत्वपूर्ण भएको छ । 

छनोटमा नेपालले आफ्नो पहिलो खेल भारतसँग १-१ को बराबरी खेलेको थियो भने म्यानमारले आफ्नो पहिलो खेलमा बंगलादेशलाई ५-० ले पराजित गरेको थियो ।

नेपालले घरेलु टोली म्यानमारलाई रोक्नु पर्ने छ म्यानमारसँग पराजित भएमा नेपालको छनोटको दोस्रो चरण सम्भावना निकै कठिन हुनेछ । समूह सी मा रहेको नेपालको १ अंक छ भने म्यानमारको ३ अंक छ । र बंगलादेश पुछारमा छ ।