ओलम्पिक छनोट : नेपाल र म्यानमारबीचको खेल सुरु 

काठमाडौं- ओलम्पिक एसियन महिला फुटबल छनोट अन्तरगत नेपाल र म्यानमारबीचको खेल सुरु भएको छ । छनोटको आफ्नो पहिलो खेलमा भारतसँग १-१ को बराबरी खेलेको नेपालले बलियो टोली म्यानमारसँग खेल्न लागेको हो । 

म्यानमारले आफ्नो पहिलो खेलमा बंगलादेशलाई ५-० ले पराजित गर्दै आफुलाई परिमाणित गरि सकेको छ । म्यानमारको याङगोनस्थित थुनुवा स्टेडियममा सुरु भएको खेलमा नेपाल म्यानमारविरुद्ध जित निकाल्ने लक्ष्यका साथ मैदान उत्रिएको छ । 

किनकी दोस्रो चरणमा पुग्न नेपालले घरेलु टोली म्यानमारलाई रोक्नु पर्ने छ म्यानमारसँग पराजित भएमा नेपालको छनोटको दोस्रो चरण सम्भावना निकै कठिन हुनेछ । म्यानमारपछि नेपालले अन्तिम खेलमा कार्तिक २७ गते बंगलादेशसँग खेल्नेछ । 

समूह सी मा रहेको नेपाल १ अंक जोडेर तालिकाको दोस्रो स्थानमा छ । म्यानमार भने ३ अंक जोडेर शीर्ष स्थानमा छ । १ अंक जोडेको भारत तेस्रो र बंगलादेश पुछारमा छ । 

प्रत्येक समूहका विजेता र उपविजेताले दोस्रो चरणको छनोटमा स्थान बनाउनेछन् । यस्तै तेस्रो हुनेमा उत्कृष्ट दुईले समेत दोस्रो चरणको यात्रा तय गर्नेछन् । ओलम्पिकका लागि पहिलो चरणमा एसियाबाट १८ टोलीले प्रतिस्पर्धा गरिरहेका छन् ।