नेपालले भारतलाई बराबरीमा रोक्यो 

काठमाडौं- ओलम्पिकको एशियाली महिला फुटबल छनोट खेलमा नेपालले भारतलाई बराबरीमा रोकेको छ ।  म्यानमारको यांगुनमा बिहीबारभएको पहिलो खेलमा नेपालले भारतलाई १–१ गोलको बरावरी रोक्दै अंक बाँडेको छ। 

नेपालका लागि खेलको ११ औं मिनेटमा निरु थापाले गोल प्रहार गरेकी थिइन भनृ भारतका लागि कमला देवीले ३७ औँ मिनेटमा गोल प्रहार गर्दै खेललाई बराबरीमा ल्याइन्। त्यसपछि दुबै टोलीले गोल गर्ने राम्रो अवसर पाए पनि खेर जादा खेल १–१ को बराबरीमा रोकिएको हो । 

नेपालले अर्को खेल आइतबार म्यानमार र २७ गते बंगलादेशसँग खेल्नेछ। ओलम्पिकका लागि पहिलो चरणमा एशियाबाट १८ टोलीले प्रतिस्पर्धा गर्दैछन्। समूह ’ए’ र ’बी’ मा पाँच–पाँच राष्ट्र रहेका छन् भने समूह ’सी’ र ’डी’ मा चाररचार टोली छन्। 

प्रत्येक समूहका विजेता र उपविजेताले दोस्रो चरणको छनोटमा स्थान बनाउने छन्। तेस्रो हुने समेत दोस्रो चरण पुग्नेछ।