नेपाल भारत 'ए' सँग ९ विकेटले पराजित

काठमाडौं- एसीसी इमर्जिङ टिम्स कप क्रिकेट प्रतियोगितामा नेपाल भारत ‘ए’ सँग ९ विकेटले पराजित भएको छ।

नेपालले दिएको १ सय ६८ रनको लक्ष्य भारत ‘ए’ ले २२ ओभर १ बलमा एक विकेटको क्षतिमा भेट्टाएको हो। श्रीलंकाको आर प्रेमदासा रङ्गशालामा भएको खेलमा भारतका लागि अभिसेक शर्माले सर्वाधिक ८७ रन बनाए।

नेपालका लागि कुशल मल्लले एकमात्र विकेट लिए। यसअघि टस जितेर पहिले ब्याटिङ गरेको नेपालले १६७ रन बनाएको थियो। नेपालका लागि कप्तान रोहित पौडेलले सर्वाधिक ६५ रन बनाएका थिए।