यस्तो रह्यो काठमाडौंमा डोनाल्ड लुको एक दिन [तस्बिरहरू]

काठमाडौं- भारत र बंगलादेश भ्रमण सकेर शुक्रबार दिउँसो काठमाडौं ओर्लिएका अमेरिकी दक्षिण तथा मध्य एसिया हेर्ने सहायक विदेशमन्त्री लु शुक्रबार राति नै फर्किने भएका छन्। उनले नेपालमा रहँदा प्रधानमन्त्री पुष्पकमल दाहाल प्रचण्ड, परराष्ट्रमन्त्री एनपी साउँद,  नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीसँग भेटवार्ता गरेका छन्।

अमेरिकी सहायक विदेशमन्त्री लुले नेकपा माओवादी केन्द्रका अध्यक्षसमेत रहेका प्रधानमन्त्री प्रचण्ड पत्नी सीता दाहालको निधन भएको तेस्रो दिन शुक्रबार प्रधानमन्त्री निवास बालुवाटारमा दिवंगत दाहालप्रति श्रद्धाञ्जली अर्पण गरेका हुन्। 

अमेरिकी सहायक विदेशमन्त्री लुले अमेरिकी कम्पनी तथा व्यवसायहरूलाई सहयोग गर्ने उद्देश्यले अमेरिकन चेम्बर अफ कमर्सको एक सदस्य संस्थाले सञ्‍चालन गरेको 'इन्सेसान्ट रेन स्टुडियो'को निरीक्षण गर्दै संस्थाका सदस्यहरुसँग भेट गरेका छन्। 

अमेरिकी सहायक विदेशमन्त्री लुले राजनीतिक भेटघाटका क्रममा अमेरिकी अनुदान सहायता परियोजना एमसीसीबारे भने मुख्य चासो राखेका थिए।