सीता दाहालको अन्तिम शवयात्रा आर्यघाटतिर

काठमाडौं– दिवंगत सीता दाहालको पार्थिक शरीर अन्तिम संस्कारका लागि माओवादी मुख्यालय पेरिसडाँडाबाट पशुपति आर्यघाटतिर लैजान थालिएको छ। 

प्रधानमन्त्री पुष्पकमल दाहाल प्रचण्डपत्नी सीताको शव बिहान ११ बजे श्रद्धाञ्जलीका लागि माओवादी मुख्यालय पेरिसडाँडामा राखिएकामा  अन्तिम संंस्कारका लागि पशुपति आर्यघाटतर्फ लैजान लागिएको हो।

दिवंगत सीताको राजकीय सम्मानसहित अन्त्यष्टि गर्ने निर्णय आज बसेको मन्त्रिपरिषद् बैठकले गरेको छ। स्व. सीतालाई नेपाली सेनाको टुकडीले सलामी दिनेछ।

दिवंगत सीताको शवलाई पार्टी केन्द्रीय कार्यालय पेरिसडाँडामा श्रद्धाञ्जली दिइएपछि अन्तिम संस्कारका लागि आर्यघाट लैजान लागिएको हो। आर्यघाटमा अन्तिम संस्कारका लागि तयारी थालिएको छ।

यतिबेला पशुपतिनाथ मन्दिर पारिपट्टि दिवंगत सीताको अन्तिम संस्कारमा सहभागिता जनाउन सयौंको संख्याका नागरिक भेला भएका छन्।