चितवन विराटनगरलाई पराजित गर्दै दोस्रो चरणमा 

पोखरा- पोखरामा जारी पोखरा प्रिमियर लिग (पीपीएल) टी-२० क्रिकेट अन्तर्गत चितवन राइनोज दोस्रो चरणमा प्रवेश गरेको छ । पहिलो चरणको अन्तिम खेलमा विराटनरलाई ४ विकेटले पराजित गर्दै दोस्रो चरणमा प्रवेश गरेको हो । यससँगै धागढी ब्लुज, बुटवल र विराटनगर प्रतियोगिताबाट बाहिरीएका छन् । 

विराटनगरले दिएको १ सय ४६ रनको लक्ष्य पछ्याएको चितवनले १९.३ ओभरमा मात्र ६ विकेट गुमाउदै उक्त लक्ष्य भेट्टायको हो । चितवनका लागि सन्नी पटेलले अर्धासतकिय पारी खेल्दै अविजित रहे । 

उनले २४ बल खेल्दै चार चौका र चार छक्का प्रहार गर्दै ५१ रन जोडे । त्यस्तै आरिफ सेखले ३५, स्मित पटेलले २१, अनिल साहले १३ र सोनु तामाङले ११ रन जोडे । 

विराटनगरका लागि सन्दिप लामिछानेले सर्वाधिक चार विकेट लिए पनि टोलीलाई जित दिलाउन भने सकेनन् । त्यस्तै किसोर महतो र सहाब आलमले समान एक एक विकेट लिए ।

यसअघि पोखरा क्रिकेट मैदानमा टस जितेर पहिले ब्याटिङ गर्ने निर्णय गरेको विराटनगरका लागि विदेशी खेलाडी मुहमद जाइद आलमले अर्धसतकिय पारी खेले । उनले ४७ बल खेल्दै ६ चौका र दुई छक्काको मद्दतमा ५१ रन जोडेका हुन् । 

उनले पहिलो विकेटका लागि अर्का ओप्नर सुनिल धमलासँग ८७ रनको साझेदारी गरेका थिए । आलम १३.१ ओभरमा करन केसीको बलमा क्याचआउट हुन पुगेका थिए । अर्का ब्याट्सम्यान धमलाले ४७ रन जोडे । उनले ४५ बलमा सात चौका प्रहार गर्दै ४७ रन जोडेका हुन् । त्यस्तै प्रदिप ऐरीले ११ रन जोडे ।

चितवनका लागि स्मित पटेलले दुई विकेट लिए । उनले चार ओभर गर्दै २७ रन खर्चे र दुई विकेट लिएका हुन् । त्यस्तै कप्तान पारस खड्काले पनि चार ओभर गर्दै २९ रन खर्चेर दुई विकेट लिए । करन केसी चितवनका लागि एक विकेट लिए ।