पोखरा शिर्ष स्थानमा रहदै पीपीएलको फाइनलमा 

पोखरा- पोखरामा जारी पोखरा प्रिमियर लिग (पीपीएल) टी-२० क्रिकेट अन्तर्गत काठमाडौं रोयल्सलाई पराजित गर्दै लिगको शिर्ष स्थानमा रहदै पोखरा पल्टन प्रतियोगिताको फाइनलमा प्रवेश गरेको छ । पोखराले काठमाडौंलाई ४ विकेटले पराजित गर्दै लिगको शिर्ष स्थानमा प्रवेश गरेको थियो । 

काठमाडौंले दिएको १ सय ४ रनको विजयी लक्ष्य पछ्याएको पोखराले १५.‍‌‌५ ओभरमा मात्र ६ विकेट गुमाउदै उक्त लक्ष्य भेट्टायो । पोखराका लागि मोहमद नाभिदले ३६ रन जोड्दा रविन्द्र सिंहले २२, आसिफ सेखले १७, रोहित कुमार पौड्यालले १५ र कुसाल भुर्तेलले १४ रन जोडे । 

यता बाठमाडौंका लागि अमर रौटेलाले तीन विकेट लिए पनि टोलीलाई जित दिलाउन सकेनन् । २.५ ओर गर्दै ३९ रन खर्चेर तीन विकेट लिएका थिए । त्यस्तै पवन सरफ, नन्दन कुमार यादव र सुसान्त भारीले समान एक एक विकेट लिए ।

यसअघि पोखरा क्रिकेट मैदानमा टस हारेर पहिले ब्याटिङको निम्तो पाएको काठमाडौंले १९.१ ओभरमा सबै विकेट गुमाएर १ सय ३ रन मात्र जोड्न सकेको थियो । खराब सुरुवात गरेको काठमाडौंका लागि कप्तान ज्ञानेन्द्र मल्लले सर्वाधिक ३१ रनको योगदान दिए । 

ओपनर अमित श्रेष्ठले २१ रन जोडे । पवन सर्राफ १२ तथा नरेश बुढाएर ६ रनमा पेभेलियन फर्किए । वसन्त रेग्मी १९ रनमा नटआउट रहँदै टोलीलाई १ सय ३ रनको स्कोर बनाउम मद्दत गरे । उनले १२ बलमा १ चौका र २ छक्का प्रहार गरे ।

मोहम्मद नाविदले दुई विकेट हात पारे । कसिलो बलिङ गरेका मोहम्मद नाभिदले आफ्नो स्पेलको ४ ओभरमा १२ रन खर्चदै २ विकेट लिए । ललित नारायण राजवंशीले ४ ओभरमा १८ रन दिंदै ३ विकेट लिए । 

राशिद खानले २ तथा विक्रम भुषालले १ विकेट लिए । पोखराले केही बेरमा जवाफी ब्याटिङ थाल्नेछ । यो खेलमा जित हात पार्ने टोलीले शीर्ष तीनमा स्थान बनाउनेछ । पराजित भएपनि काठमाडौंको सम्भावना जिवितै रहनेछ । पोखराले जित हात पारेको खण्डमा विराटनगर टाइटन्स र बुटवल ब्लास्टर्स प्रतियोगिताबाट बाहिरिने छन् ।