ब्रुएन पुनः मैदान बाहिर रहने

एजेन्सी- इंग्लिश क्लब म्यानचेस्टर सिटीका मिडफिल्डर केभिन डी ब्रुएन पुनः मैदान बाहिर रहने भएका छन् । बिहिबार राति भएको काराबाओ कप फुटबलको दौरान घाइते भएपछि प्ले मेकर ब्रुएन मैदान बाहिर रहने भएका हुन् । 

बेल्जियमका २७ बर्षे ब्रुएन यसै साता मात्र मैदान फर्किएका थिए । घुँडाको लिगामेन्ट इन्जुरीका कारण ब्रुएन दुई महिना मैदान बाहिर रहेका थिए । इन्जुरीबाट मुक्त भएपछि सिटीका लागि ब्रुएनको यो दोस्रो खेल थियो । तर, मैदानमा पूर्ण रुपमा जम्न नसक्दै ब्रुएन घाइते भएका छन् ।

घरेलु मैदानमा भएको उक्त खेलमा फुलहमलाई सिटीले २-० ले हराउदा ब्रुएन घाइते भएका थिए ।  सिटीको जितमा उनले निकै उत्कृष्ट प्रदर्शन समेत गरेका थिए ।

 तर, खेलको ८६ औं मिनेटमा ब्रुएन मैदानबाट बाहिरिएका थिए । उनको इन्जुरीबारे मेडिकल रिपोर्टपछि मात्र जानकारी हुने बताईएको छ । ‘उनको इनजुरी बारे चेकजाँच भइरहेको प्रशिक्षक पेप ग्वार्डीवालाले बताएका छन् । उनको इन्जुरी सामान्य पनि हुन सक्ने क्लबले बताएको छ ।