एमबाप्पेले दुई पटक गोल्डेन ब्वाइजको उपाधि जित्लान ?

एजेन्सी-  फ्रान्स तथा पेरिस सेन्ट जर्मन (पीएसजी)का युवा स्टार खेलाडी केलियन एमबाप्पेले पहिलो पटक दुई पटक गोल्डेन ब्वाइजको उपाधि जित्दै नयाँ किर्तीमान बनाउन सक्ने छन् । एमबाप्पे यस बर्षको गोल्डेन ब्वाइज उपाधिका लागि २० खेलाडी भित्र समेटिएका छन् ।
 
२१ बर्ष मुनिका युरोपका सर्वश्रेष्ठ खेलाडीलाई यो पुरस्कार प्रदान गर्ने गरिन्छ । मनोनित भएका २० खेलाडीलाई ३० जना युरोपियली सञ्चार माध्यमका प्रत्रकारहरुले मतदान गर्ने छन् । 

एमबाप्पेले पहिलो पटक उक्त पुरस्कार २०१७ मा जितेका थिए । यस अवार्डका लागि उनको यो दोस्रो पटकको सहभागिता हो । अहिले सम्म कुनै पनि युरोपका खेलाडीले गोल्डेन ब्वाइज अवार्ड दुई पटक जितेका छैनन् । 

विश्वकप विजेता एमबाप्पेले लिभरपुलका सेन्टर ब्याक ट्रेन्ट एलेकजान्दर अर्नोल्डसँग प्रतिस्पर्धा गर्ने छन् । जुन यस उपाधिका लागि मनोनित समेत भएका छन् । २०१५ मा एन्थोनी मार्शलले जितेका थिए भने २०१६ मा बायर्न म्युनिखका रेनाटो सान्चेजले जितेका थिए । 

त्यस्तै यो अवार्ड रहानी स्टेलर््िङ, पाउल पोग्वा, इस्को, मारिओ गोट्जे र मारिओ बालोटेलीले जितेका छन् । २००३ मा राफेल भान डेरले जित्दा २००४ मा वाने रुनीले जितेका थिए । त्यसको अर्को बर्ष २००५ मा लियोनल मेस्सीले जितेका थिए ।