साफ यू-१५ बाट नेपाल बाहिरियो 

काठमाडौं- चौथो संस्करणको साफ यू-१५ फुटबल च्याम्पियनसिपको सेमिफाइनल खेलमा आयोजक नेपाल पाकिस्तानसँग पराजित हुँदै प्रतियागिताबाट बाहिरिएको छ । सेमिफाइनलमा पाकिस्तानसँग ४-० गोल अन्तरले पराजित हुँदै प्रतियागिताबाट बाहिरिएको हो । 

पहिलो हाफ गोलरहित बराबरी खेलेको नेपालले दोस्रो हाफमा चार गोल खान पुग्यो । खेलको ५३ मिनेटमा इफ्तिखर अहमेदको गोलबाट अग्रता लिएको पाकिस्तानले खेलको ५९ औं, र ६९ औं मिनेटमा पेनाल्टी मार्फत अग्रता तेब्बर बनाएको थियो । यि दुबै गोल पाकिस्तानि खेलाडी पोहिब उल्हाले गरेका हुन् ।

नेपालका जान लिम्बुले डि बक्स भित्र फाउल गरे पछि पाकिस्तानले पहिलो  पेनाल्टी पाएको थियो । त्यस्तै निवस पुयालको ट्याकलबाट अर्को पेनाल्टी पाउदै गोलमा परिणत गरेको थियो । त्यस्तै खेलको ७८ मिनेटमा गोल पाकिस्तानका मोइन अहमेद थप एक गोल गर्दा नेपाल ४-० ले पराजित भएको हो । 

शुरुवत देखिनै दवावमा रहेको नेपाले खेलको मध्य तिर केहि सुधार ल्याए पनि गोल भने गर्न सकेन । अव पाकिस्तानले बंगलादेशविरुद्ध फाइनल खेल खेल्ने छ ।