पीपीएल : काठमाडौंलाई जितका लागि १५० रनको लक्ष्य

पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत चितवन राइनोजले काठमाडौं रोयल्सलाई जितका लागि १ सय ५० रनको लक्ष्य दिएको छ । चितवनले निर्धारित २० ओभरमा पाँच विकेट गुमाउदै १ सय ४९ रन बनाएको हो । 

चितवनका लागि हरिशंकर साहले अर्धसतकीय पारी खेले । उनले ४९ बल खेल्दै पाँच चौका र तीन छक्काको मद्दतमा ६० रन जोडेका हुन् । स्मित पटेले ३१ रन जोडे । उनले २४ बल खेल्दै तीन चौका र एक छक्काको मद्दतमा ३१ रन जोडेका हुन् । 

त्यस्तै अनिल कुमार साहले २७, कप्तान खड्काले १४ र सन्नी पटेलले १३ रन जोडे । काठमाडौंका लागि बसन्त रेग्मीले दुई विकट लिदा, नन्दन यादव र पवन सराफले समान एक एक विकेट लिए ।

पारस खड्का कप्तान रहेको चितवनका लागि काठमाडौंविरुद्धको खेल निकै नै महत्वपूर्ण रहेको छ । ३ खेल खेलिसकेको चितवनलाई प्ले अफमा स्थान बनाउन काठमाडौंलाई हराउनै पर्नेछ । 

किनकी चितवनले ३ खेलमा मात्र १ जित निकालेर २ अंक जोडेको छ । चितवन लिगको चौथो स्थानमा छ । यता, काठमाडौं लगातार तेस्रो जितको खोजीमा हुनेछ । काठमाडौं अघिल्ला २ खेलमा जित हात पार्दै ४ अंक जोडेर तेस्रो स्थान रहेको छ । चितवनलाई हराउन सके काठमाडौंको प्ले अफ यात्रा सहज बन्नेछ ।