काठमाडौं- मनकामना केबलकारको मासिक यात्रु संख्यामा कीर्तिमान कायम भएको छ। चालु आर्थिक वर्ष २०७९-८० को जेठ महिनामा १ लाख ५० हजार यात्रुले मनकामना केबुलकारको यात्रा गरेका छन्। यो संख्या २५ वर्षे मनकामना केबलकारको इतिहासमै बढी हो।
यसअघि आव २०७५-७६ को जेठ महिनामा १ लाख ३५ हजार यात्रुले मनकामना केबलकारको यात्रा गरेका थिए। चालु आवमा मनकामना जाने यात्रुको संख्यामा भारतीयको संख्यामा पनि भारी वृद्धि भएको छ। चालु आवको ११ महिनामा कुल २ लाख ६९ हजारभन्दा बढी भारतीय पर्यटकले मनकामना केबलकारको यात्रा गरेका छन्।
जेठ महिनामा मात्रै २६ हजार भारतीय पर्यटकले मनकामनाको यात्रा गरेको कम्पनीले जनाएको छ।
-(1)-1755780630.jpg)
