भारतीय टोलीको माग : विश्वकपमा  श्रीमती, नास्तामा केरा !

हैदराबाद (एजेनसी)- सेप्टेम्बर ११ मा सम्पन्न इङ्ल्यान्ड भ्रमणमा खराव प्रर्दशन गरेपछि भारतीय क्रिकेट कन्ट्रोल बोर्ड (बीसीसीआई) ले समिक्षा र आगमी विश्वकपको तयारीको बारे हैदराबादमा विसीसीआईका अध्यक्ष, सिइओ, कप्तान विराट कोहली, उपकप्तान अजिंग्ये रहाने, रोहित शर्मा, प्रशिक्षक रवि शास्त्री र मुख्य चयनकर्ता एमएसके प्रसाद लगायतलाई बैठकमा बोलाईएको थियो । 

वैठकमा सहभागिहरुले विश्वकप तयारीका साथै खेलाडीहरुले आफ्ना माग र गुनासोहरु बीसीसीआई सामु ब्यक्त गरे । जहाँ भारतीय खेलाडीहरुले केहि अचम्मका गुनासा र माग गरे । उक्त माग सुनेर बैठकमा केहि समय हासो चल्यो । 

बैठकमा भारतीय खेलाडीहरुले इङ्ल्यान्ड भ्रमणको बेला आफुहरुले केरा खान नपाएको र खेल हुदाँ अनिवार्य नास्ताको रुपमा अन्य फलफुलसँगै केरा दिनु पर्ने माग राखे । यत्तीले मात्र बैठक हाँसोले गुञ्जयमान भएको भने हैन । 

उनीहरुको अर्को माग थियो विश्वकपका दौरान आफ्ना पत्नीहरुलाई लैजान र आफूसँगै साथमा राख्न पाउनुपर्ने माग थियो । उक्त माग कप्तान विराट कोहली स्वयंले राखेका थिए । यसैगरी बसको साटो ट्रेन प्रयोग गर्न दिनु पर्ने, खेलाडीहरु बस्ने होटलमा व्यवस्थित जिम अनिवार्य हुनुपर्ने लयागतमा अन्य माग पनि राखेका थिए ।

माग सुनेपछि बीसीसीआईले खेलाडीहरुका लागि पर्याप्त केरा खरिद गर्न आदेश दिएको छ भने पत्नीहरुलाई साथमा राख्नेसम्बन्धी विषयमा टिमका सबै सदस्यहरुसँग लिखित सहमति माग्ने जनाएको छ । त्यस्तै बसको सट्टा ट्रेन प्रयोग गर्दा सुरक्षाको चिन्ता हुने बीसीसीआईले खेलाडीलाई बताएको छ ।

इङ्ल्यान्ड भ्रमणमा भारतले ३ टी-२० श्रृंखला २-१ ले जित्दा ३ वान डे श्रृखला २-१ र ५ टेष्ट श्रृखला ४-१ ले गुमाउन पुगेको थियो । सन् २०१९ मा इङ्ल्यान्ड र वेल्सका विभिन्न सहरमा संयुक्त रुपमा आयोजना हुने एक दिवसिय विश्वकप क्रिकेट आगमी मे ३० देखी जुल १४ सम्म हँदै छ । विश्वकपको सबैभन्दा बलियो दावेदारका रुपमा लिएको भारतको तयारी बलियो मान्न सकिन्छ ।