एमबाप्पेको गोलले बन्यो पीएसजीको रेकर्ड

पेरिस (एजेन्सी)- लिग वनमा आइतबार राति भएको खेलमा पेरिस सेन्ट जर्मेन (पीएसजी)मा युवा स्टार खेलाडी केलियन एमबाप्पेले गरेको गोल मार्फत पीएसजीले नयाँ रेकर्ड बनाएको छ । 

आफ्नो मुख्य प्रतिद्वन्द्वी मार्सिलेलाई २-० ले पराजित गर्दै सुरुवाती ११ खेलमा अपराजित यात्राको रेकर्ड टोटनह्याम हट्सपरसँग बराबरी गरेको हो । यसअघी टोटनह्यामले पनि सुरुवाती ११ खेलमा लगातार जित निकाल्दै रेकर्ड बनाएको थियो । 


एमबाप्पेले एंगल डी मारियाको पासलाई बिजुली चम्के जस्तै गरि गति बढाउँदै बोबाकर कामरालाई बिट गर्दै गोल गरेका थिए । खेलको इन्जुरी समयमा जुलियन ड्रेक्सलरले पीएसजीका लागि थप एक गोल गरेका थिए । 

उनले स्टार खेलाडी नेयमारको अफ टार्गेट पासको सदुपयोग गर्दै गोल गरेका थिए । नेयमारले केही मौका आफ्ना घर प्रशंसक अगाडी गुमाएका थिए ।

 
युरोपको शिर्ष पाँच लिग मध्यबाट एक लिग सिजनको सुरुवातमा पीएसजीले १९६०-६१ पछि लगातार ११ जितको रेकर्ड बनाएको हो । एरिक म्यक्सिमको स्थानमा दोस्रो हालफमा मैदान प्रवेश गरेका एमबाप्पे यस सिजन युरोपका पाँच लिगमा १० गोल सहित शिर्षस्थानमा छन् । 

१९ बर्षीय एमबाप्पे यस सिजनको च्याम्पियन्स लिग सहित १० खेल खेल्दै १२ गोल गरेका छन् । डिफेन्डीङ च्याम्पियन पीएसजी लिगको दोस्रो स्थानमा रहेको लिली भन्दा आठ अंकले अगाडी छ ।