पौडेल पक्षलाई 'काउन्टर' दिन देउवा पक्षको जिल्ला सभापति भेला सुरु

वरिष्ठ नेता रामचन्द्र पौडेल पक्षका जिल्ला सभापतिहरूको भेला लगत्तै देउवा पक्षका जिल्ला सभापतिहरूको पनि भेला बोलाइएको हो। पौडेलपक्षीय जिल्ला सभापतिको भेलालाई काउन्टर दिन भेला आयोजना गरिएको एक जिल्ला सभापतिले जानकारी दिए।

नेपाल समय | बिहीबार, साउन २८, २०७८

नेपाल समय

बिहीबार, साउन २८, २०७८

पौडेल पक्षलाई 'काउन्टर' दिन देउवा पक्षको जिल्ला सभापति भेला सुरु

काठमाडौं- सत्तारुढ दल नेपाली कांग्रेसका सभापति शेरबहादुर देउवा समूहका जिल्ला सभापतिको भेला सुरु भएको छ। ललितपुरको होटल समिटमा संस्थापन समूहका जिल्ला सभापतिहरूको भेला सुरु भएको हो।

महाधिवेशन नहुनुमा पौडेल समूह पनि उत्तिकै जिम्मेवार रहेको तर दोष भने आफ्नो पक्ष र देउवालाई मात्र लगाएकाले भेला आयोजना गरिएको ती सभापतिको भनाइ छ। भेलाको मुख्य उद्देश्य देउवाको डिफेन्स गर्नु रहेको उनको भनाइ छ।

केन्द्रीय समितिले १४औँ महाधिवेशनको कार्यतालिका संशोधनको निर्णय गर्नुअघि राजधानीमा उपलब्ध देउवा पक्षीय सभापतिहरू छलफलमा जुटेका हुन्।

बुधबार साँझ देउवा निवासमा बसेको शीर्ष नेताहरूको बैठकले महाधिवेशन सार्ने विषयमा सहमति जुटाएपनि नयाँ मिति कहिले तोक्ने भन्नेमा विवाद कायमै छ।

प्रकाशित: Aug 12, 2021| 10:04 बिहीबार, साउन २८, २०७८