‘मेस्सी बिनाको बार्साले रियललाई पराजित गर्न सक्छ’ 

मड्रिड (एजेन्सी)- आईतबार बेलुका एल क्लासिकोमा हुने रियल मड्रिड र बार्सिलोनाबीचको खेलमा बार्सिलोनाले जित्न सक्ने एटलेटिको मड्रिडका फरवार्ड एन्टोनी ग्रिजम्यानले बताएका छन् । 

कप्तान लियोनल मेस्सी चोटका कारण मैदान बाहिर रहे पनि ग्रिजम्यानले उक्त खेलको विजेता बार्सिलोनालाई चुनेका छन् । अन्तराष्ट्रिय सञ्चार माध्यमका अनुसार ग्रिजम्यानलाई मेस्सीको बारेमा सोधिएको थियो ।

तर उनले बार्सिलोनासँग रियलको सामना गर्न प्रयाप्त शक्ती भएको बताएका थिए । ‘यो खेल सबै क्लासिको खेल मध्यको रोमाञ्चक र महान खेल हो । यो एक दुखद बिषय हो की यस खेलका लागि मेस्सी उपस्थित हुने छैनन् । तर, पनि बार्सासँग उक्त खेल जित्नका लागि प्रयाप्त खेलाडी छन् ।’ 

ग्रिजम्यानले भने, ‘रियललाई अगाडि बड्न जितको आवस्यक छ । त्यसैले यो खेल दर्शकका लागि पनि रोमञ्चक हुने छ । यो खेल लिग तालिकाको महत्वपुर्ण खेल हुने छ ।’

बार्सिलोना स्पेनिस ला लिगामा ९ खेलमा १८ अंकका साथ पहिलो स्थानमा छ भने, एटलेटिको मड्रिड १६ अंकका साथ पाँचौ स्थानमा छ । त्यस्तै रियल १४ अंकका साथ लिगको सातौं स्थानमा छ । 

पछिल्लो हप्ता सेभिल्लाविरुद्वको खेलका कप्तान लियोनल मेस्सी चोट ग्रस्त भएका थिए । जस कारण उनी ,तीन हप्ता मैदान बाहिर रहने छन् । उनको उपस्थिती विना युइएफए च्याम्पियन्स लिगमा बार्सिलोनाले ब्लाग्रेनेससँग राम्रो प्रभाव छोड् सकेको थिएन ।