सुनको मूल्य हालसम्मकै उच्च

काठमाडौं– नेपाली बजारमा सुनको मूल्यले उचाइ छुने क्रम जारी छ। सुन मूल्यले बिहीबार पनि नयाँ रेकर्ड कायम गरेको छ। नेपाल सुनचाँदी व्यवसायी महासंघका अनुसार आज सुनको मूल्य हालसम्मकै उचाइमा पुगेको हो।

महासंघका अनुसार आज सुनको मूल्य प्रतितोला १ लाख १२ हजार ५ सय रुपैयाँ पुगेको छ। बुधबार पनि १ लाख १२ हजार प्रतितोलामा कारोबार भएको थियो।

आज तेजावी सुनको मूल्य १ लाख ११ हजार ९५० र चाँदीको मूल्य तोलामा १५ रुपैयाँले बढेर १ हजार ४१० रुपैयाँ कायम भएको छ।

बिहीबार तेजावी सुन १ लाख ११ हजार ४५० र चाँदी १३ सय ९५ रुपैयाँमा कारोबार भएको थियो। सरकारले बजेटमार्फत सुनमा कर लगाएपछि मूल्य बढ्न थालेको हो।