पीपीएल टी-२० : विराटनगरलाई जितका लागि १८३ रनको लक्ष्य

पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गतको जारी खेलमा धनगढी ब्लुजले विराटनगर टाईटन्सलाई जितबा लागि १ सय ८३ रनको लक्ष्य सुम्पेको छ ।  

पोखरा रंगशाला जारी खेलमा सन्दीप लामिछानेको कप्तानीकमा रहेको टिम विराटनगरले टस जित्दा दिपेन्द्र सिंह ऐरीको कप्तानीमा रुहेको धनगढी ब्लुजले ब्याटिङको निम्तो पाएको थियो । 

धनगढीले निर्धारित २० ओभरका सबै विकेट गुमाउदै १८२ रन बनाउन सक्यो । धनगढीका लागि पेटर ट्रेगोले अर्धसतकिय पारी खेले । तेस्रो नम्बरमा मैदान प्रवेश गरेको पेटरले र सौरभ खनालले निकैनै घातर प्रहार गरेको थिए । 

पेटरले ३८ बल खेल्दै दुई चौका र चार छक्काको मद्दतमा ५३ रन जोडे भने खनालले १३ बलमा दुई चौका र पाँच छक्काको मद्दतमा ४१ रन जोडे । त्यस्तै कप्तान दिपेन्द्र सिंह ऐरीले २९ रन जोडे उनले १९ बल खेल्दै चार चौका र एक छक्का प्रहार गरेका थिए । 

धनगढीका लागि अन्य ब्याट्सम्यान सन्दिप जोराले १२ र रोबिन श्रेत्रीले १० रन जोड्दा अन्य खेलाडीले दोहोरो अंक जोड्न सकेन । विराटनगरका लागि जितेन्द्र मुखियाले ४, किसोर महतो, कप्तान सन्दिप, सुनिल धमला र मुहमद जाइद आलमले समान एक एक विकेट लिए । धनगढीले केही बेरमा जवाफी ब्याटिङ गर्दै छ ।