एएफसी यू-१९ : नेपालले पाकिस्तानको सामना गर्दै

काठमाडौं- थाइल्याण्डमा जारी एएफसी यू-१९ च्याम्पियनसिप छनोट अन्तर्गत आज (आइतबार) नेपालले पाकिस्तानको सामना गर्दै छ । नेपालले प्रतियोगिताबाट बाहिरि सकेको पाकिस्तानलाई पराजित गर्दै अन्तिम चरणमा छनोट हुने सम्भावना बलियो बनाएर मैदानमा उत्रिने छ । खेल नेपाली समयानुसार दिउँसो २:४५ बजे चोनबुरी रंगशालामा हुनेछ ।

पाकिस्तानले यसअघिका समूहका आफ्ना दुवै खेलमा भारी अन्तरले पराजित भएको थियो । नेपाललाई छनोट हुन पाकिस्तानविरुद्ध जित दर्ता गर्नु पर्नेछ । 
नेपाल पहिलो खेलमा थाईल्यान्डसँग ३-० ले पराजित भएको नेपालले दोस्रो खेलमा भारतविरुद्व २-० को सानदार जित निकलेको थियो । 

भारतविरुद्धको खेलमा दुवै गोल गरेकी फरवार्ड रेखा पौडेल भने यस खेलका अनुपस्थीत रहने छिन् । उनले लगातार दुई खेलमा पहेंलो कार्ड पाएका कारण यो. खेल गुमाउन पुगेकी हुन् । 

यसअघि भारत र थाईल्यान्डको खेलमा घरेलु टोलीले भारतलाई पराजित गरे नेपाल अन्तिम चरणमा छनोट हुनेछ । भारत र नेपालको अंक बराबर भएको अवस्थामा पनि हेड टु हेडको आधारमा नेपाल अगाडी नै छ । 

थाईल्यान्ड अन्तिम चरणको पनि आयोजक भएको हुनाले यस समूहको दोस्रो टोली पनि अन्तिम चरणमा छनोट हुने प्रावधान रहेको छ । गत महिना भुटानमा भएको यू-१८ साफ च्याम्पियनसिपमा नेपालले पाकिस्तानलाई १२-० को फराकिलो अन्तरले पराजित गरेको थियो ।