सुनको मूल्य हालसम्मकै उच्च

काठमाडौं- नेपाली बजारमा सुनको मूल्य बढेको छ। बजेट घोषणाको दुई दिनमै सुनको भाउ प्रतितोला ३ हजार ९ सय रुपैयाँ बढेको छ।

बजेटले सुनको भन्सार दर १० प्रतिशतबाट १५ प्रतिशत पुर्‍याएकाले मूल्य बढेको नेपाल सुनचाँदी व्यवसायी महासंघले बताएको छ।

आजका लागि सुनको मूल्य प्रतितोला १ लाख १२ हजार तोकिएको छ। यो मूल्य हालसम्मकै उच्च हो। आजमात्रै सुन १५ सयले बढेको छ। हिजो २४ सय  बढेको थियो। बजेट घोषणा हुने दिन सोमबार प्रतितोला १ लाख ८ हजार १ सय रुपैयाँमा सुनको कारोबार भएको थियो।