उद्योगलाई ९ अर्ब ४६ करोडको बजेट

काठमाडौं– सरकारले उद्योग, वाणिज्य तथा आपूर्ति मन्त्रालयलाई आगामी आर्थिक वर्षका लागि ९ अर्ब ४६ करोड विनियोजन गरेको छ।

अर्थमन्त्री डा. प्रकाशरण महतले संघीय संसद्का दुवै सदनमा आगामी आर्थिक वर्ष २०८०/८१ को बजेट प्रस्तुत गर्दै उक्त रकम विनियोजन गरिएको बताएका हुन्।

यो रकम चालू आर्थिक वर्षको तुलनामा १ अर्ब २ करोड कम हो। सरकारले २०७९/८० का लागि उद्योग, वाणिज्य तथा आपूर्तितर्फ १० अर्ब ४८ करोड रुपैयाँ विनियोजन गरेको थियो।