रासायनिक मलमा ३० अर्ब अनुदान

काठमाडौं– सरकारले समयमै मल उपलब्ध गराउन ३० अर्ब रुपैयाँ अनुदान दिने भएको छ। अर्थमन्त्री डा.प्रकाशरण महतले संघीय संसद्का दुवै सदनमा आगामी आर्थिक वर्ष २०८०/८१ को बजेट प्रस्तुतिका क्रममा यस्तो बताएका हुन्।

उनले समयमै मल उपलब्ध गराउन ३० अर्ब रुपैयाँ अनुदानको व्यवस्था गरिएको जानकारी दिए। समयमै मल नआउने समस्या समाधान गर्न अनुदान घोषणा गरिएको अर्थमन्त्री महतको भनाइ छ।