पीपीएल : टस जितेर चितवनले फिल्डिङ गर्दै 

पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत बुटवल ब्लास्र्टविरुद्ध चितवन राइनोजले फिल्डिङ गर्दै छ । पारस खड्काको कप्तानीमा रहेको चितवनले टस जितेर फिल्डिङ गर्ने निर्णय गरेको हो । 

पोखरा रंगशालाको क्रिकेट मैदानमा सुरु भएको खेलमा सोमपाल कामीको कप्तानीमा रहेको बुटवलले ब्याटिङ गर्दै छ । निकैनै रोमाञ्चक हहुने अनुमान गरिएको यस खेलमा दुबै टोली आफ्नो पहिलो जितको खोजीमा हुनेछ । 

दुबै टोलीमा उत्कृष्ट खेलाडीहरुले भरिएको छ । कप्तान पारसको चितवनमा भेट्रान बलर तथा पुर्व खेलाडी शक्ति गौचन, राष्ट्रिय टोलीका सदस्यहरु अनिल कुमार साह, भुवन कार्की, करण केसी र आरिफ शेख जस्ता खेलाडी रहेका छन् । 

चितवनमा उमेर समूहमा उच्च प्रदर्शन गरिरहेका राम नरेश गिरी, हरि शंकर साह, विनोद लामा, सुमित महर्जन र सोनु तामाङ जस्ता खेलाडी छन् । यस्तै चितवनलाई भारतका सन्नी पटेल र समित पटेलको आगमनले थप बलियो बनाएको छ । 

यता, चितवनलाई रोक्न सोमपालको टिम बुटवलले राष्ट्रिय टिम र उमेर समूहमा चलेका खेलाडीहरु मैदान उत्राने छन् । बुटवललाई राष्ट्रिय टोलीबाट खेलिसकेका सिधान्त लोहनी, राष्ट्रिय टोलीका ललित सिंह भण्डारी, सागर पुन जस्ता खेलाडीको साथ रहेको छ । 

यस्तै उमेर समूहका साम्सद शेख, हरि चौहान, शंकर राना, पुरण बिक, हसिम अन्सारी, भिम सार्की, प्रकास केसी, अविनाश बोहोरा, नितेश थापा, बिपिन खत्री जस्ता खेलाडीको साथ रहेको छ । युएईका कप्तान रोहन मुस्तफा र चिराग सुरीको साथले बुटवल थप बलियो बनेको छ ।