चखण्डोल सामुदायिक वनमा १५०० रुख रोप्दै बीवाईडी

काठमाडौं- चिनियाँ विद्युतीय सवारी निर्माता बीवाईडीको नेपालका लागि आधिकारिक वितरक साइमेक्सले चखण्डोल सामुदायिक वनमा १५०० रुख रोप्ने भएको छ। कर्पोरेट सामाजिक उत्तरदायित्वअन्तर्गत कम्पनीले विश्व जैविक विविधता दिवसका अवसरमा सपना र जंगल निर्माण गर्ने योजना सार्वजनिक गरेको हो।

२०६२ सालमा अवैध बालुवा उत्खनन् र वन फँडानीको सिकार भएको काठमाडौंको मुलपानीस्थित चखण्डोलल सामुदायिक वनलाई पुन:स्थापना र पुनर्जीवित गर्ने लक्ष्यका साथ यो पहल चालेको कम्पनीले जनाएको छ।

यो वृक्षारोपणको पहिलो वर्षमा आयोजनाले ८२७ टन अक्सिजन उत्पादन गर्ने र ३१० टन कार्बन भण्डारण गर्ने प्रक्षेपण गरिएको कम्पनीले जनाएको छ।