नेपाल एयरलाइन्सको मलेसिया-भैरहवा भाडा ११,४६१ 

काठमाडौं- नेपाल वायुसेवा निगमले यही जेठ २९ गतेदेखि भैरहवास्थित गौतमबुद्ध अन्तर्राष्ट्रिय विमानस्थलबाट नियमित उडान गर्ने भएको छ। निगमले मलेसियादेखि भैरहवाका लागि ११ हजार ४६१ रुपैयाँ भाडादर कायम गरेको छ।

निगमले भैरहवा-मलेसियाका लागि भने १२ हजार ३४६ रुपैयाँ भाडा कायम गरेको छ। निगमले जेठ २९ गते काठमाडौंबाट मलेसियाको क्वालालम्पुर उडान गर्ने र जेठ ३० गते क्लालालम्पुरबाट भैरहवा हुँदै काठमाडौं आइपुग्ने उडान तालिका तय गरेको छ। यो गन्तव्यमा निगमको न्यारो बडी ‘ए’ ३२० जहाजले उडान भर्नेछ।