७ कम्पनीलाई सेयर ब्रोकरको लाइसेन्स

काठमाडौं– धितोपत्र बोर्डले ७ वटा धितोपत्र दलाल व्यवसायी (सेयर ब्रोकर) लाई व्यवसाय सञ्चालन इजाजतपत्र (लाइसेन्स) दिने निर्णय गरेको छ। सोमबारको बोर्ड सञ्चालक समिति बैठकले पूर्वाधार तयार गरेर स्वीकृति माग गरेका ७ कम्पनीलाई लाइसेन्स दिने निर्णय गरेको हो। 

पूर्वाधार तयार गरेर लाइसेन्सका लागि आवेदन दिएका ८ मध्ये ७ कम्पनीले लाइसेन्स दिइएको छ। भोले गणेश सेक्युरिटिज, क्यापिटल म्यास सेक्युरिटिज, हिमालयन ब्रोकरेज कम्पनी, सन् सेक्युरिटिज, मियो सेक्युरिटिज, सेयरप्रो सेक्युरिटिज र प्रोपर्टी विर्जाड लिमिटेडले लाइसेन्स पाएका हुन्।

बोर्डमा नयाँ ब्रोकर लाइसेन्सका लागि ४५ कम्पनीको आवेदन परेको छ। त्यसमध्ये ४३ कम्पनीले आशयपत्र (एलओआई) पाएकामा ७ कम्पनीलाई लाइसेन्स सुम्पिएको हो।