जैन इन्टरनेशनल ट्रेडको अध्यक्षमा उद्योगपति कमल

काठमाडौं- जैन इन्टरनेशनल ट्रेड अर्गनाइजेसन नेपाल (जितो फाउन्डेशन)को अध्यक्ष पदमा उद्योगपति कमल बेगानी नियुक्त भएका छन्। अर्गनाइजेसनको तेस्रो साधारणसभाबाट उनी अध्यक्ष पदमा नियुक्त भएका हुन्। उनको कार्यकाल २ वर्ष रहनेछ। उनी नेपालको प्रतिष्ठित व्यापारिक घराना बेगानी ग्रुपका निर्देशक रहेका छन्। 

‘उच्च आर्थिक समृद्धि हासिल गर्ने, विपन्न वर्गको हेरचाह गर्ने र हिंसामुक्त्त गरिबीमुक्त र रोगमुक्त संसारमा मानवतालाई समृद्ध बनाउन सक्दो योगदान गर्नेछु,’ उनले भने, ‘ज्ञान सेवा र आर्थिक सशक्त्तिकरणको लागि अहम् योगदान पुर्याउनेछु।’  जैन अन्तर्राष्ट्रिय व्यापार संगठन दूरदर्शी जैनहरुको एक अद्वितिय बहुहितधारक समुदाय रहेको उनले बताए।

११ देशमा सञ्चालनमा रहेको उक्त संस्थामा विश्वभर १४ हजार व्यवसायी आवद्ध रहेका छन्। सन् २०२० देखि नेपालमा सक्रिय रुपमा कार्य गर्दै आइरहेको छ।