१८ खानेपानी उद्योगमा १२ करोड लगानी

दाङ– दाङका सञ्चालन भइरहेका १८ खानेपानी उद्योगमा करिब १२ करोड लगानी रहेको देखिएको छ। घरेलु तथा साना उद्योगअन्तर्गत व्यवसायीले  ११ करोड ९९ लाख ४७ हजार ८७२ रुपैयाँ लगानी गरी १८ वटा खानेपानी उद्योग सञ्चालनमा ल्याएका हुन्।

जिल्लामा सञ्चालित खानेपानी उद्योगमा चालू पुँजी २ करोड ७६ लाख २० हजार १०० रहेको घरेलु तथा साना उद्योग कार्यालय दाङका अधिकृत विक्रम केसीले जानकारी दिए। उनका अनुसार उद्योगको स्थिर पुँजी ९ करोड २३ लाख २७ हजार ७२३ छ।  

आरोग्य मिनिरल वाटर एन्ड जुस उद्योग, राप्ती ड्रिंकिङ वाटर उद्योग, राम्री ड्रिंकिङ वाटर उद्योग, ओम ड्रिंकिङ वाटर एन्ड जुस उद्योग, स्वर्गद्वारी ड्रिंकिङ वाटर उद्योग, सांग्रिला डिं«किङ वाटर एन्ड वेभरिज प्रालि, गौतम जल सेवा, श्री साईराम ड्रिंङिङ वाटर उद्योग र लमही खानेपानी उद्योग गरेर ९÷३ ‘क’ साना वर्गका पानी उद्योग रहेको कार्यालयले जनाएको छ। 

प्रशोधित खानेपानी उत्पादन गर्ने १२ उद्योग छन्। ड्रिंकिङ वाटर तथा फ्लेबर ड्रिंक्स पानी उत्पादन गर्ने दुई, मिनरल वाटरसहित पिउने स्वच्छ पानी तथा जुस उत्पादन गर्ने एक/एक उद्योग छन्।

डायनामिक वाटर एन्ड वेभरेज उद्योग १५/२ ‘ख’, एसएमबी ड्रिङकिङ वाटर एन्ड वेभरिज प्रालि, वाल्मीकि जल सेवा, हाइलेन्ड लोइङ इन्डस्ट्रिज, गोरक्ष फुड एन्ड वेभरेज उद्योग १५/२ ‘ख’, रारा प्रोसेसिङ प्रालि १५/२ ‘ग’ वर्ग, भद्रकाली ड्रिंकिङ वाटर १५/२ ‘ज’ वर्गका रहेका अधिकृत केसीले जानकारी दिए।

‘जिल्लामा सञ्चालित पानी उद्योगमध्ये राम्री ड्रिंकिङ वाटर र स्वर्गद्वारी बिजनेस ग्रुपको वर्ग खुलेको छैन’, उनले भने।अधिकांश उद्योगले भूमिगत पानी प्रशोधन गरेर बिक्री वितरण गर्ने गरेको अधिकृत केसीको भनाइ छ। उनले भने, ‘जिल्लामा सञ्चालित अधिकांश खानेपानी उद्योगले भूमिगत पानी प्रशोधन गरेर जनतालाई बिक्री गर्ने गरेका छन्।’

दाङसहित साविकको राप्ती क्षेत्रमा बढ्दो सहरीकरण तथा शिक्षाका कारण स्वास्थ्यका लागि शुद्ध पिउने पानी आवश्यक पर्छ भन्ने चेतनाको विकास भएकाले जिल्लामा खानेपानीका उद्योगमा लगानी बढ्दै गएको अधिकृत केसीले बताए।

उनले भने, ‘पछिल्लो समय मानिसमा शुद्ध पिउने पानी खानुपर्छ भन्ने ज्ञान भएको छ यसले गर्दा पानीको व्यवसायसमेत राम्रो चल्ने गरेका छन्।’

व्यवसायसँगै जनतालाई शुद्ध पिउने पानी पु¥याउने उद्देश्यले उद्योग स्थापना गरी सञ्चालन गरिएको व्यवसायीको भनाइ छ।जिल्लामा सञ्चालित १८ खानेपानी उद्योगमा १५० बढी स्थानीयले रोजगार पाएका छन्।