भारतबाट घटेर आयो पेट्रोलियम मूल्य 

काठमाडौं–नेपाल आयल निगमले भारतबाट पेट्रोलियम मूल्य घटेर आएको जनाएको छ। भारतीय आयल कर्पोरेसन (आईओसी) ले पठाएको नयाँ मूल्यसूचीअनुसार पेट्रोलमा ९ र डिजेलमा ८ रुपैयाँ प्रतिलिटर घटेर आएको हो।

भारतबाट मूल्य घटेर आए पनि निगमले समायोजन गर्ने निर्णय हालसम्म गरिनसकेको निगमका प्रवक्ता मनोजकुमार ठाकुरले बताए।

आईओसीले डिजेटल र पेट्रोलको मूल्य हरेक १५ दिनमा र अन्य पेट्रोलियम पदार्थको नयाँ मूल्यसूची १/१ महिनामा पठाउने गरेको छ। हाल निगमले डिजेल डिजेल प्रतिलिटर १६५ र पेट्रोल १७५ रुपैयाँमा बिक्री गर्दे आएको छ।