म्युजिक भिडियो 'जीवन साथी' सार्वजनिक

काठमाडौं- 'जीवन साथी' बोलको गीतको म्युजिक भिडियो सार्वजनिक गरिएको छ। शिवजी डान्स सेन्टरले तयार पारेको म्युजिक भिडियो विन्दवासिनी म्युजिक प्रालिको युट्युव च्यानलमार्फत सार्वजनिक भएको हो।

म्युजिक भिडियोमा मोडल गणेश भट्टको अभिनय रहेको छ भने उनलाई अभिनयमा समारिका ढकालले साथ दिएकी छन्।

मित्र केसीको शब्द रचना रहेको गीतमा डा. शैलेश कुमार मिश्र र रोजिना कार्कीको स्वर रहेको छ। गीतमा संगीत संयोजन विशाल निरौलाको रहेको छ। मुकेश हुमागाईंको सिनेग्राफि रहेको गीतको निर्देशन शिवजी क्षेत्रीले गरेका छन्।

'फिल्मी गीतका रूपमा रहेको जीवन साथीको अभिनयका लागि मैले सकेको मेहेनेत गरेको छु। गीतले दर्शकको मन जित्ने विश्वास छ। यसअघिका म अभिनित सबै गीतलाई दर्शकले रुचाइदिनु भएको छ। यो गीतलाई पनि उहाँहरूले रुचाउने विश्वास लिएको छु,' भट्ट भन्छन्।