दशैंमा वीरगंजमा कुस्ती 

वीरगंज- प्रतिनिधिसभा सांसद एवं संघीय समाजवादी फोरम नेपाल पर्साका अध्यक्ष प्रदीप यादवले वीरगंज-१६ नगवामा श्री बौद्धी माई विकास समितिद्वारा आयोजित विराट दंगल (कुस्ती) प्रतियोगिता उद्घाटन गरेका छन्। 

महानवमीको दिन हरेक वर्ष आयोजना गरिने दंगल प्रतियोगितामा यसवर्ष नेपाल र भारतका समेत कुल एकसय कुस्ती खेलाडीको सहभागिता रहेको छ।

मधेसका बिभिन्न पहलवानहरु देश विदेशबाट पदक हासिल गर्न सफल भएपनि खेलाडीहरुको उचित व्यवस्थापन सरकारले नगरेको हुनाले उनिहरु पछाड़ीं परेका छन् ।

'अब बनेको प्रदेश सरकारले पनि कुस्ती प्रतियोगिता जुन मधेस भरी नै आयोजना हुने एतिहासिक खेल हो त्यसलाई पुर्णरुपले व्यवस्थापन गर्नुपर्नेमा सांसद यादवले जोड दिए।