'लुट'का हाकु काले निश्चलको आगामी फिल्ममा नहुने

काठमाडौं- ‘लुट’ निर्देशक निश्चल बस्नेतको आगामी फिल्म ‘दिमाग खराब’का शीर्ष कलाकार तय भएका छन्। दयाहाङ राई, खगेन्द्र लामिछाने, अर्पण थापा र स्वस्तिमा खड्का फिल्मका लागि पक्का भइसकेका छन्। स्वस्तिमा निश्चलकी पत्नी पनि हुन्।
लुटका हाकु काले सौगात मल्ल भने निश्चलको आगामी फिल्ममा नहुने भएका छन्। जेठ पहिलो साता छायांकन सुरु हुने यो फिल्म काठमाडौं, काभ्रेको पनौती र पाँचखालमा छायांकन गर्ने तयारी छ। फिल्म कात्तिक २४ गते रिलिज गर्ने तयारी छ।
रौनकविक्रम कँडेलले फिल्ममा लगानी गरेका हुन्। आकाश बरालको पटकथा रहेको फिल्मको स्क्रिप्ट मनोज पण्डितले लेखेका हुन्। निश्चल निर्देशित फिल्म लुट (२०६९) र लुट २ (२०७४) मा रिलिज भएका थिए र सुपरहिट भएका थिए।