खगेन्द्रको बहुप्रतिक्षित 'जय भोले' आजबाट

काठमाडौं- अशोक शर्माकाे निर्देशन र खगेन्द्र लामिछानेको लेखन तथा अभिनय रहेको बहुपतिक्षित फिल्म जय भोले आज फुलपातीबाट रिलिज भएको छ ।
 
फिल्ममा लामिछानेसंगै स्वस्तिमा खड्का, सौगात मल्ल,सलोन बस्नेत, अशोक शर्मा, बुद्धि तामाङ, रामराजा पौडेल आदिको अभिनय छ । निर्देशक अशोक शर्माको लामो ग्याप पछि ‘जय भोले’ मार्फत कमब्याक गरेका छन् । 

यस फिल्मका निमार्ता अंकित शर्मा, किरण शर्मा र कृति शर्मा हुन् । फिल्ममा सैगीत कल्यान सिंह र राजनराज सिवाकोटीले संगित भरेको छन् । फिल्मको ‘उम्लियो भने पोखिन्छ’ बोलको गीत दर्शकले रूचाएका छन् । युटुबमा यस गीतले ७० लाखको भ्यु पाएको छ ।   

जय भोले लभ र कमेडी जर्नरमा बनेको छ । रिलिजको मिति छक्का पञ्जासँग जुधेको थियो । रिलिजमा विवाद पछि जय भोलेको रिलिज मिति फुलपातीमन लागि सारिएको थियो ।  

घटस्थापनामा रिलिज भएको छक्का पञ्जा ३ ले दर्शकको राम्रो साथ र उत्साहजनक व्यापार गरेको छ । समसिामायिक विषय वस्तु र यस अघिको छक्का पञ्जा र छक्का पञ्जा २ को प्रभावले पनि दर्शकको घुइचो छक्का पञ्जा ३ लाई मिलेको छ । 

दर्शक बाँडन नपरोस् भन्ने मनसायले नै  रिलिजको मिति फुलपातीलाई सारिएको थियो । अब जय भोले लाई दर्शकको साथ कतिको पाउने त्यो भने हेर्न बाँकी नै छ ।