रहेनन कलाकार बोगटी, आफैंले काट्न लगाएको रुखले लियो ज्यान

काठमाडौं–कलाकार राम केशर बोगटीको निधन भएको छ । चलचित्र कलाकार संघ अध्यक्षसमेत रहेको बोगटीको बिजुलीको पोलले लागेर मृत्यु भएको हो । 

उनले आफ्नो घर नजिकैको रुख काट्न कामदारलाई लगाएका थिए । रुख बिजुलीको पोलमा बजारिएपछि उक्त पोलले बोगटीलाई लाग्यो । 

पोलले लागेर गम्भीर घाइते भएका उनको ग्वार्कोस्थित बीएण्डबी अस्पतालमा उपचारका क्रममा मृत्यु भएको हो । 

नेपाली रजतपटमा लामो समयदेखि छाएका उनी सानो तथा ठूलो पर्दामा राम्रो अभिनय गर्ने कलाकारका रुपमा स्थापित छन् । उनले लालटिन, जीवन चक्रलगातका टेलिफिल्म तथा अन्य धेरै फिल्ममा अभिनय गरेका छन् । 

चलचित्र कलाकार संघका अध्यक्ष उनी २७ मंसिर २०७२ मा संघको अध्यक्षमा निर्वाचित भएका थिए ।